Tangrual Pawl a sorkar hun chuan Corruption chu do lovin an khap zawk dawn tih ZPM Secretary General, Pu K. Sapdanga’n a sawi.

0
440
views

Vawiina an Pawl Pisa-a chhung inkhawmah he thu hi sawiin, tuna kalphungah chuan inkhap tur chuang an awm loh vanga eirukna hi hluar anga lang a ni a, |angrual pawlin thuneihna a chan hunah chuan eirukna chu do ngai lovin eirukna hun an siam tawh dawn lova, eirukna chu do lovin a khapin an khap tawh zawk dawn niin a sawi. Pu K. Sapdanga chuan, eirukna an tih bo piah lamah \angrual pawlin thuneihna a chan hun chuan Contractor phena mi tute emaw an awm \hin chu phal a ni tawh dawn lo tih a sawi a, tunah hi chuan Contract hna zawng zawngah a phena awm an awm \hin a, chung zingah chuan Minister leh MLA-te pawh an tel nia sawiin, hei hian hna a tihchhiat avangin khap a ni dawn a, hnathawhna tur sum luangral a awm tawh dawn loh avangin hna a \ha ang a, an thil siamte pawh a tlo tawh dawn a ni, a ti.

Sorkar sum a nihna tur ni lovah a luan ral nasat avangin kawngpui a chhia a, leite a chim a, mipui mamawh khawp Doctor thlenga rawihna tur sum a awm loh phah niin Pu K Sapdanga chuan a sawi a, Mizoramin harsatna a tawh chhan ber chu ram hruaituten an tih tur ti lova, an tih loh tur an nih \hin vang nia sawiin, heng kalphung dik lote siam\ha turin ZPM chuan hma a la dawn tih a sawi.

Tun hmaa Sorkar awmten Sorkar hmasa thil tih an chhunzawm \ha duh lo chu hmasawnna ti\huanawptu a ni tih |angrual Pawl chuan chiang takin a hria tih ZPM Secretary General chuan a sawi a, hei hi hmasawnna daltu a nih avangin an Sorkar hunah chuan Sorkar hmasa thil tih chhunzawm tlak awmte an chhunzawm ang a, mipuite mitthla aia \ha zawkin Zoramah hmasawnna an thlen ngei dawn niin a sawi.