Taxation Minister, Pu Lalsawta’n chhiah awl phalsakte chu Mizoram leh mipuite tana thil tha tur an nih avanga phalsak thin a ni tih a sawi

0
381
views

Taxation Minister, Pu Lalsawta’n chhiah awl phalsakte chu Mizoram leh mipuite tana thil \ha tur an nih avanga phalsak \hin a ni tih a sawi. Congress member, Pu TT Zothansanga leh MNF member, Dr. K. beichhua zawhna in\awm chhanga he thu hi sawiin Pu Lalsawta chuan, kum 2016-17 chhung khan Entertainment Tax a\angin Mizoram Sorkar-in cheng 82,53,531 a hmuh thu leh Sorkar kum kal mek 2017-18-ah kumin February thla thleng khan cheng 38,76,882 a hmuh tawh thu a sawi a. Sorkar laipui ruahmannaa nikum July ni 1 a\anga ram pumah chhiah lakna dan thar Goods and Services Tax a kalpui a nih tak avangin Entertainment Tax pawh he GST hnuaiah a in chhunglut tel a, a hranpaa State Sorkar-in chhiah a lak tak loh avangin heta \ang sum hmuh pawh hi nasa takin a tlem phah tih a sawi. Taxation Minister chuan, Entertainment Tax hi The Mizoram Entertainment Tax Act, 2013 hmanga lak a nih thu leh hemi kaltlanga chhiah an hmuh tam ber chu Cable TV a\anga hmuh a nih thu te, Exhibition, Drama, Carnival leh Show dang dang a\angte pawhin chhiah hi lak \hin a nih thu a sawi.