Sikulpuikawn atanga Mission veng Kawltheihuan peng pawhtu Theipalingkawh kawng tia vuah chu vawiin khan bialtu MLA, Lt. Col. ZS Zuala’n a hawng. Hemi puala inkhawm tawi buatsaihah Lt. Col. ZS Zuala chuan, he kawng siam thar hi lehlam hawi chauha zawh theih, one way a nih avangin a hmangtute pawhin an zawm a tul thu a sawi a, phal loh lam hawia zawh lui an awm chuan an lirthei number chhinchhiaha thuneitute hnena thlen zel turin mipuite chu a chah a ni. He kawng siam nan hian PWD atangin Rs 71,000, UD&PA atangin cheng nuai 3 leh MLA fund cheng nuai 3 hmuh a ni a, hei bakah he kawng kama In neitu ten bungrua leh hmanrua an thawh bakah hnatlang tum engemawzat koh a ni bawk. He kawng hi meter 270 vela thui a ni a, thla 2 chhunga peih fel a ni.
