Mizoram-a muslim ten Id-ul Zuha hmang

0
316
views

Khawvel ram danga Muslim-te rualin Mizorama Muslim-ten vawiin khan an hun pawimawh, Id-ul Zuha an hmang a, Aizawlah chuan Mac Donald Hill-a High School Field-ah tukin dar 9 khan a huhovin mi 3,500 vel an tawngtai rual a ni. Aizawla tawngtai rualna hi Aizawl Mosque-a Imam, Maulana Bilal Ahmed-a’n a hova, Koran atanga chang thenkhat a chhiar hnuah fuihna thu a sawi a, hemi hnu hian Muslim kal khawmte chu a huhovin an tawngtai a ni. Aizawl Mosque Secretary, Mohammed Mamon Majundar sawi danin tawngtaite hi Mizoram, India ram pumpui leh khawvel puma remna leh muanna a awm theihna te, hmasawnna a awm theihna tur tein Allah hnenah an tawngtai a ni. Hetiang bawk hian vawiin khan Zemabawk, Sairang, Lunglei, Siaha leh New Champhaia Tennis Court-ah te pawh Id-ul Zuha hmangtute chu an tawngtai rual a ni.