Thubuai ngaihtuah hun loa court-a jail tang hruai tawh lo turin Court hotuten duh

0
296
views

Central Jail-a tang mek mi pahnih chu an thubuai ngaihtuah hun ni lova vawiina Court-a hruai an nih avangin Court chuan hetiang thil hi tun hnuah thleng tawh lo se a duh thu a sawi a. Court hotute hnen a\anga Zonet thu dawn danin, pawngsual thubuai avanga man Lalmuanpuia, kum 30, Aibawk khua leh zu rui chunga mi dang kuthlak avanga man, Mawngthawisi, kum 32. Myanmar lam mi chu tun thla ni 20-a Court-a inlan tura tih an nih laiin vawiin khan Court-ah hruai an ni a. Judge chuan, he thil hi Jail lam inenkawlna fel tawk loh avanga thleng nia a ngaih thu sawiin, thubuai tam tak ngaihtuah tur a awm laia an thubuai ngaihtuah hun lova mi dang hruai an ni hian Court rorelna a tikhaihlak nasa hle niin a sawi a. Tun hnuah chuan fimkhur tawk loh avanga hetiang buaina hi thleng nawn tawh lo se a duh thu a sawi a ni.