Tlabung damdawi ina inentir turte zawm tur thuchhuah, Tlabunga Senior Medical Officer-in kumin April 25-a a siam tawh chu Chakma pawl thenkhatin hek mahse hman chhunzawm zel a la nii.

0
33
views

India khua tui an ni ngei tih nemngheh nan, voter ID nei ngei ngei turin Tlabung Sub-District Hospital-a inentir turte hi hriattir an ni a, Chakma pawl thenkhatin hekin an zualko a, National Commission for Women chuan he thil hi sawifiah turin Mizoram Sorkar hriattir mah se, he thuchhuah hi vawiin thlengin sût a la ni lo tih, Tlabunga Health department-a thawkte chuan Tlabunga Zonet reporter an hrilh.

He hriattirna tihchhuah hian social media lamah sawi zui a hlawhin, hmun hranga mite thlawp leh tan a hlawh hle a, Tlabunga Health department-a thawkte chuan, hotu lian lam atanga sût tur tura hriattirna an dawng a nih loh chuan, tun dinhmunah hnuhkir tumna an nei lo tih an sawi.

Hetih lai hian, Mizo National Front West Tuipui Block chuan vawiin khan Tlabung SMO thlavang hauhna thuchhuah siamin, hriattirna a tihchhuah chu hrileng laka mipui an him tlanna tura thil tul leh pawimawh tak a nih thu, an sawi a, Mizoram Chakma Alliance Against Discrimination president Paritosh Chakma thil tih chu an dem thu leh, a rang thei ang bera ngaihdam dil tura an phut thu an sawi.