Tlabung Progressive Society-in tun thla ni 14 atanga an khaw chhehvela Home Affairs Ministry hnuaia hna hrang hrang thawh mek viltu public sector enterprise-te pisa a khâr sak chu chhunzawm zel a ni

0
539
views

Tun thla ni 8 leh ni 10-a Assam Police-in Bairabi Zophai hmuna MZP member leh Mizo Journalist-te kut an thlak duh lohna leh he thila mawhphurtute hrem phut nan Tlabung |halai intelkhawm, Tlabung Progressive Society-in tun thla ni 14 a\anga an khaw chhehvela Home Affairs Ministry hnuaia hna hrang hrang thawh mek viltu public sector enterprise-te pisa a khâr sak chu chhunzawm zel a ni. Tlabung a\anga Zonet thudawn danin, Tlabung Progressive Society-in Pisa a khar sakte chu Engineering Projects India Limited (EPIL) leh National Projects Construction Corporation Limited (NPCC)-te an ni a, an Pisa khar a nih chhung hian hnathawktuten Pisa kai luih an tum loh avangin harsatna thleng a awm lo a ni. Tlabung Progressive Society chuan, ningani khan PSE hotute hi thil awmdan sawipuiin, hnathawh an chawlhtir chhan chu Assam Police-in Mizo zirlaite leh Journalist kut an thlak chungchangah a mawhphurtute hrem an nih theih nana Sorkar laipui karna a ni tih hrilhin, buaina siam zawnga che lo turin an ngen a. Tlabung Progressive Society hian an lo tum lawk angin nimin khan Home Affairs Ministry-ah lehkha dang thehlutin, Mizo zirlai leh Journalist-te kutthlak an nih chungchangah Assam Police leh an mahni thupetu Hailakandi Bawrhsap, Adil Khan chu hrem a nih theih nan hmala turin an ngen a ni. Tun thla ni 14 a\anga Tlabung Progressive Society-in public sector enterprise-te pisa an khar avang hian Home Affairs Ministry hnuaia ramri hrula hna thawh hrang hrang – Indo-Bangla border fencing, Border Flood Lighting leh Border Outpost sak mek te a a khaihlak phah nia thu dawn a ni.