Tuirini lei dawh turin hna thawk zel

0
274
views

Sesawng leh Khawruhlian inkara Tuirini lei dawh lai February ni 13 zinga chim ta aia hman tur Bailey Bridge dang dawh turin PWD Highway Division II chuan ngawrh takin hna a thawk zela, tuna an hnathawh ber chu lui a\anga lei dotu tur banpui ‘Pier’ phunna tur laih te, Sesawng lam lui kama lei innghahna tur ‘abutment’ siam leh he lei dawhna tur atana hman tur, Chhingchhipa Bailey Bridge hlui \hiah hna te a ni a, Tuirini lui kuang chhunga ban lian phunna tur lei laih hna hi a hautak avangin a thawk turin SLT Infrastructure Ltd. rawih a ni a, anni hian lui kuang chhunga tui chim loh chinah lung verhna khawl hmangin ban phunna tur khur an lai mek a ni. Hetihlai hian Chhingchhip khaw chhunga kawng chhuat bal laia thir lei dawh, tuna hman tawh loh \hiah hna chu PWD Mechanical Division chuan thawkin vawiin khan an zo fel a, ZONET zawhna chhangin Mechanical Division Executive Engineer, Pu Lalthangkhuma Ralte chuan he hna hi tun thla ni 7 a\ang khan riah chilhin an thawk a, JCB leh Recovery Van te hmangin fimkhur takin an \hiat a, vawiin khan \hiat zovin lei dawhna bulah an dahkhawm fel thei ta a ni. Heng lei dawhna hmanrua te hi National Highway 54 enkawltu, Highway Division III chuan Tuirini lei dawh hnathawktu, Highway Division II hnenah a rang thei ang berin an pe dawn a ni. Tuirini lei dawh tur hi feet 200-a sei a ni dawn a, Khawruhlian lamah chuan lei innghahna ‘abutment’ hlui a rin nghal theih a, Sesawng lamah erawh chuan a thar siam mek a ni. Khawruhlian, Darlawn leh Sakawrdai tlangdunga khua ten kumin fur lo thleng tura harsatna an tawh loh nan he lei dawh hna hi fur ruahtui tam hmaa zawhfel hman tum a ni. Hetihlai hian lei thar dawh lai February ni 13 zinga chim chhan chhui hnathawktu Aizawl District Magistrate chuan he thil chhui hna hi a la zawh loh avangin lei chim ta \hiah hna chu thawh theih a la ni rih lo niin PWD hotute chuan an sawi a ni.