Aizawla Tlangnuam West Presbyterian Kohhran Biak In thar, Rs.1,99,20,418/- senga sak pawh vawiin khan Synod Moderator, Rev. Lalzuithanga’n a hawng. Biak In hawnna inkhawm hi Kohhran Committee Chairman, Upa R. Lalsangliana’n a kaihruai a, Moderator-in a hawn hnu hian Biak In chhungah bialtu Pastor, RS Rokima kaihhruaiin Pathian biak inkhawm neih nghal a ni a, Synod Moderator, Rev. Lalzuithanga chuan Pathian thuchah sawiin, chanchin \ha puandarh kawngah nasa zawka \an lak a \ul thu te, ringtute nghet taka din a \ul thu te a sawi a ni. Tlangnuam West Presbyterian Kohhran Biak In thar hi concrete building \ha tak, mi 560 leng thei tura sak a ni a, kum 2009 June ni 6 khan sak \an a ni. Tlangnuam West Kohhran hi Tlangnuam Kohhran a\angin kum 2009 May ni 9 khan inkhawm hrangin an indang a, tunah hian member 654 an awm a ni.
