Tlawmngai pawl hrang hrang inzawmkhawmten Chief Electoral Officer, SB Shashank-a a hna kalsana Mizoram chhuahsan tura an nawr kaihhnawihah nimin khan Chief Secretary, Pu Arvind Ray chuan Mizoram sorkara senior officer-te a office Conference Hall-ah hmalak dan tur a sawipui.

0
453
views

 

Sorkar lam a\anga thudawn danin he inkhawmah hian he harsatna thleng sutkian dan tur kawng \ha ber eng nge ni ang tih sawiho a ni a, NGO Coordination Committee hruaitute biak phawta an thilphut bansan tura ngen ni se tih a ni a, hemi bakah hian Mizoram Kohhran Hruaitute Committee pawh thil awmdan leh a nghawng thil hrang hrang thleng thei te sawipuia sorkar leh NGO Coordination Committee inkara remna palai hna thawk tura ngen ni se tih rel a ni. Hei hi bawhzuiin vawiin khan Chief Secretary leh Senior Officer te chuan NGO Coordination Committee hruaitute leh Mizoram Kohhran Hruaitute Committee chu a hran ve ve-in an hmu a ni. NGO Coordination Committee hruaitute chuan an thilphut a\angin an inhnuh hniam theih loh thu leh Chief Electoral Officer, Pu SB Shashank chu a hna a\angin chawl ngei se an duh thu he inkhawmah hian an tarlang a ni. Mizoram Kohhran Hruaitute Committee an hmuhnaah MKHC chuan palai hna thawk tura ngenna chu an pawm a ni. Hemi hnu vawiin tlai khan Mizoram Kohhran Hruaitute Committee chu an Chairman, Rev. F. Lalrinnunga hovin an \hukhawm zui a, hetah hian engtia hmalak zel dan tur nge tih an rel a, an thutlukna siam hriat theih a la ni rih lo a ni.