MNF Party-in naktukah darkar 12 awh, Mizoram puma Total Bandh huaihawt a tum avangin sorkarin buaina chhuak palh thei veng turin thil pawimawhte a ruahman. District hrang hrang Bawrhsap leh SP-te chuan an District khawpui \heuh leh khawpui danga Magistrate duty tur leh Police duty turte an ruahman fel tawh tih Zonet an hrilh a, Bandh kaihhnawiha buaina a chhuah loh nan dan leh thupek keng kawhtu tur Magistrate leh Police-te duty tura ruahman an ni tih an sawi. Puan tawh angin Mizoram hmun hrang hranga kawngpui chhiat nasat avanga mipuite thlavang hauh nan MNF Party chuan naktuk zing dar 5 a\anga tlai dar 5 thleng, Mizoram pumah Total Bandh a huaihawt dawn a. Bandh hian chanchinbu mi leh a semtu, damdawi in hnathawk, tui sem, bawnghnute sem, P&E Emergency Duty leh damlohna avanga damdawi in pante a huam dawn lova. Thlawhnaa zin turte chu zing dar 8:30 hmaa Lengpui \umhmun thleng vek tura ngen an ni a, chhungte hmuak turte pawh zing dar 8 hmaa Aizawl chhuahsan hman vek tura ngen an nih bakah Helicopter hmanga zin tur te, inneih leh chhiatna thila veivak duhte tan kawng hawn a ni ang. Total Bandh an huaihawt tur hi thlawp vek turin MNF Party chuan mipuite an ngen a ni.
