Anthurium Festival hi mipuiin an hlut hle a, \halai, nu leh pa naupang leh kum upa lam thlengin a chhimtu zingah hmuh tur an awm a ni. Anthurium Festival neih chhung hian mizo lam te, malzai te, thiamthil chi hrang te entir a ni a, festival chhimtute intihhlimna turin sakawr chungchuanna te, silai kahna hmun leh intihlimna chi hrang hang chhawpchhuawh a ni a, a hmanna hmun leh a chhevelah Anthurium par design chi hrang hranga khawi te phochhuah a ni.
Tourism Department-in Zo khua a siam pawh mipuiin an tlawh nasa hle a. Reiek khawtlang hruaitute hnen atanga ZONET thudawn danin Anthurium Festival buatsaih avang hian harsatna lian tham an tawk ngai lova, a chhimtu mipuite pawh buaipui ngai khawpa sual rawngbawl an awm lo a, Anthurium Festival hian an khawtlang sum lakluh pawh nasa takin a tipung \hin tih an sawi.
Festival kharna inkhawm hi Tourism Director Pu Saitluanga’n a kaihruai a, Tourism Minister Pu Robert Romawia Royte chuan, Anthurium Festival chuan Anthurium par ti lara sum tam zawk hailuhna atana hman bakah mipuite hlimna buatsaih chu a tum a nih thu a sawi a, mihlim lo te avanga chhungkua leh khawtlangin harsatna an tawh leh helna leh buaina a thlen te chu hlimnaa thlakthleng a, heng harsatna thleng thin tih bo chu an tum zinga a lian ber pakhat a ni a ti.
Pu Robert Romawia Royte chuan, Tourism Department-in nikum lama an budget chu kuminah zaa 46 in phak lo mahse hei hian Mizoram Budget pawn atanga sum hailuh kawngah chona nasa tak a pe tih a sawi a, hemi tur hian theihtawpin hma an la nghal tih sawiin Reiek Tourist Resort tihchangtlunna tura Project Sorkar laipuia an thlen, cheng nuai 560 chu pawm sak an nih a sawi.
Pu Robert Roawmai Royte chuan, Ailawnga khuangchera puk chu Sorkarin heritage pawimawhah a puang tawh tih a sawi a, mi tam zawkin an tlawh a, a hlutna ti pung turin tourist facilities center changtlung tak siam tum a nih thu a sawi a, Reiek Tourist Resort a Departmentin ruhrel chi hrang hrang tunhnaia a dah thar te pawh mipui tan hawn thuai a nih tur thu a sawi.
Sports Minister ni bawk Pu Robert Romawia Royte hian, kumin Krismas hmain Adventure Sports Competition leh festival buatsaih tum a nih thu a puang a ni.
