Home Minsiter Amit Shah-a’n High school Field a\anga Raj Bhawan a pan laiin PRISM Party leh MPC Party te hian vawiin chawhnu dar 1:00 khan Aizawl Treasury Square-ah lungawi lohna an lo lantir a, Citizenshp Amendment Bill put luh leh tum an duh loh thu tarlanna Banner, Poster leh Placard te an lo keng a ni. Party pahnih te hian CAB hi an pulut a nih pawhin North East state te huamtir ve lo turin memorandum an thehlut bawk a ni.
Party pahnihte hian CAB an duh loh chhan chu India ram Danpui palzutna a nih bakah foreigner, dan loa Mizorama chengte sakhua avanga khua leh tui nihna pek theihna tur a ni an ti a. Mizoram ang, mihring tlemna State-ah chuan hnam dang te khua leh tui nihna pek an nih chuan remna leh muanna thlengin a nghawng dawn a ni an ti.
India khua leh tuite pawh mamawh bulpui pek theih an la nih loh lai a, ramdangmiten khua leh tuite chanvo an chuhpui tur chu an tu leh fa lo la awm zel turte tan theih tawpa do an tum tih Party pahnihte hian an sawi.
He CAB duhlohna lantirna ah hian PRISM Party leh MPC Party mi leh sa Aizawl a mi leh Lunglei a\ang he hun hmang tura lo kalte an tel a, party mi ni lo, CAB dotu mi engemawzatin an \awiawm bawk a ni.
Hetihlai hian ZPM party \halaite chuan CAB pass an duh loh thu tarlanna poster \hahnem tak nizan khan an tar a, heng poster te hi Home Minister Amit Shah-a’n a paltlang tur Aizawl khawpui kawngpui sir hmun hrang hrangah an tar a ni.
Lungleiah pawh CAB dodaltu mi \hahnemngaite pungkhawmin, CAB an duh loh thu tarlanna thuziak chi hrang hrang an keng a ni.
