Traffic Police a\anga Zonet thudawn danin, nimin a\ang khan Zero Tolerance Drive hi kalpui a ni a. Hetah hian lirthei leh a khalhtute chu lirtheiin a neih tur lehkha pawimawh hrang hrang an neih kim leh kim lohte, chhiah an pek leh pek lohte bakah lirthei khalhtuin Driving License a neih leh neih lohte endik an ni a. Lehkha pawimawh nei kim lote chu ngaihdamna tel lova hman zel an ni. Traffic Police hotute chuan, lirthei an man zingah Road Tax pe lote, Insurance nung tawh lote, lirthei a\anga khu chhuak chu dan pawm chin a nih leh nih loh endikna, Polution certificate nei lo leh Driving License nei lova lirthei khalhte an tam zual tih sawiin, Driving License lem hmanga lirthei khalhte pawh an awm niin an sawi. Dan bawhchhia an mante chu a hmunah pawisa chawi tir nghal zel an ni a, pawisa chawi tur nei lote pawh an lehkha pawimawhte hrensakin, Traffic Police Office-a an pawisa chawi tur pe tura tih an ni.
Traffic hotute chuan, hetianga lirthei endikna hi tunkar chhung neih tur niin, khauh taka kalpui a nih tur thu leh Aizawl khawpui hmun remchang laiah a inchhawka an Duty tur thu an sawi a. Lirthei an endiknaah hian dan anga lehkha pawimawh nei famkim lo leh dan bawhchhiate chu ngaihdamna tel lova man zel an ni dawn tih Zonet an hrilh a. Nimin khan mi 51 man niin, heng zinga mi 24-in a hmunah pawisa an chawi nghal a. An pawisa chawi tlingkhawm chu Rs. 28,500 a ni a. Pawisa chawi lova Ceaser List pek mi 27 an awm bawk. Vawiin khan mi 74 man leh niin, heng zinga mi 34-in a hmunah pawisa an chawi nghal a, an pawisa chawi tlingkhawm chu Rs. 48,100 a ni a. A pawisa chawi nghal lo mi 40 an awm bawk.
