Kumtina hman \hin lirthei chetsualna laka himna tura inzirtirna hapta, Road Safety Week hawnna-a tarlan a nih danin Driving test paltlang lova cheng sangthum vela lei theih anga sawi awm chu Transport Dept in an chhui chiang a, dan bawhchhetute chu thubuai siamsak an ni. Transport Dept sawi danin Deptt-in dan anga a pek chhuah license ah te chip phum a ni tawh a, hei hi Transport Department IT Cell a\anga tih nun a ni a, licence lemah chuan chip awm mahse khawlin a chhiar thei lo a ni.
Road Safety Week hawnna inkhawm hi Transport Minister Pu TJ Lalnuntluanga pisaah neih a ni a, thupuiah “Dan zawm hi himna a ni’ tih hman a ni a, tun thla ni 22 thleng hman tur a ni. Transport Minister hian thil ti thei nih duh vanga dan zawm famkim lova thil tih tum bansan a ngai a ni a ti a, sorkarin veng seng vek lo mah se mimal tinin mahni leh midangte tana himna a ni tih hriaa sorkar dan leh kaihhruaina siamte an zawm a ngai a ni a ti. Kum 2015 a\anga 2019, kum 5 chhungin Mizoramah lirtheia chetsualna sorkarin a chhin chhiah \um 317 a thlenga, mi 279 an thi a, mi 384 an hliam a ni. Road Safety Week hman chhungin No Tolerance Checking kal pui a ni dawn a, Traffic leh Transport Department in a hranin lirthei te an endik dawn a ni.
