Transport Secretary, Pu K. T Beicho-a’n vawiin khan Chaltlanga Transport Department Office tlawhin, an hmalakna hrang hrang a enfiah.

0
322
views

Pu K. T Beicho hian an Department hmalakna lianzial Central Workshop hnuaia hmalakna hrang hrang enin, khawl hman mek leh hman tawh loh, siam \hat ngai awmte awmin, hmanrua an neih ang angte tih changtlun a, \angkai zawka hman a nih theih dan tur a sawipui a. An Department hotute chuan, lirthei chhuak thar a awm zel avangin Workshop-a hman tura Motor Part an chhekkhawm \henkhat chu hmannna tur aawm tawh lo a ni tih Secretary chu hrilhin, hlawk zawka tihral dan ngaihtuah ni thei se an duh thu an sawi a. Motor lian ke, siam\hata hman leh mai theih tur engemawzat la awm, an ni tana hman \angkai ngaihawm awm tawh lo leh, two wheeler 4 siam\hat lova awmte pawh hman \angkai dan zawn ni se an duh thu an sawi bawk.

Pu K. T Beicho hian an Department-in faina leh thianghlimna kawnga hma an lak dan pawh a en nghal a, an Department hnathawktute chu mipui leh Department dangte kawhhmuhtu ni thei khawpa \anla tura chahin, an hnathawhna kawngah pawh \hahnemngai taka an mawhphurhna hlenchhuah tum \heuh turin a chah a ni. Vawiina Transport Secretary, Pu K. T Beicho-a’n an Department hmalakna hrang hrang a enfiahnaah hian Jt. Secretary, Pi Ramdinliani, Jt. Director (Operation), Pu Alexander V. Chawngthu, Under Secretary, Pu Lalrinawma leh an Department hotute dangten an \awimawm a.

Jt. Director (Operation), Pu Alexander V. Chawngthu chuan, faina leh thianghlimna kawngah an Department chuan theihtawp an chhuah tih Secretary, Pu K. T Beicho chu hrilhin, hemi atana chak zawka hma an lak theih nan Annual Action Plant mumal tak siama hmalak ni thei se an duh thu a sawi a. Hei hi a \ul anga bawhzui a nih tur thu Secretary chuan a sawi a ni.