Inremna hi zanin hian ziah tum a ni a, Chief Minister Pu Zoramthanga hi Chief Secreatary Pu Lalnunmawia Chuaungo leh sorkar hotu dangten an \awiawm a ni.
Tripura Camp hrang hrang 6-a awm Bru te Mizorama hruaikir tumna \um tam tak a hlawh chham tawh hnuah Tripura-a an awm hlen theihna tura inremna ziah tum a nih thu hi Chief Minister Pu Zoramthanga hian Thawh\anni khan an party office ah a puang a, a sawidanin sorkar laipuiin Bru te Mizorama let leh tura an tih chu Bru ten an hreh a, an let lohna turin chhuanlam chi hrang hrang siamin hma an la a, hei vang hian an awmna hmun Tripura-ah an mahni duh ang ngeiin awm nghet mai se tih chu sorkar duhdan a ni a, Home Ministry pawhin Bru ten \anpuina an dawn tur ang pawh an awmnaah pek mai nise an ti a ni a ti.
Pu Zoramthanga sawidanin inremnaah hian amah leh Tripura CM te chu hriatpuitu atana \ang turin Home Ministry hian an ngen a ni.
