Hemi puala inkhawm buatsaihah Pu Robert Romawia Royte chuan, kum 33 hnuah Sports & Youth Services in a puala pisa thar a nei ta chu thil chhianchhiahtlak tak a ni a ti a, thawktute leh Sports Associantion hrang hrang te tan phur tharna a pek ngei a beisei tih a sawi. Pu Robert-a chuan, a deptt. enkawl 3 chu deptt. lian lo tak ni mah se, a thawhchhuah erawh lian tak ni turin hma an la chho mek tih a sawi a, sorkar laipuiah pawh project engemawzat an thehluh tawh tih sawiin, a hlawhtlinna hmuh a beiseiawm hlawm hle a ni a ti a, Sports Deptt. ah hmasawnna nasa tak tun hmaa la thleng ngai lo a thleng dawn a ni a ti.
Pu Robert Romawia Royte chuan, Chief Minister Pu Zoramthanga leh Dy CM Pu Tawnluia te zarah Mizorama khelmual 13 ah phullem phahna tur tih fel a nih thu a sawi a, hei bakah Badminton Court 6 awm theihna Hall te, Hockey khelhna Astro Turf Ground 1 siamna tur te pawh sanction tihfel a ni tawh a ni a ti a, Dawrpui-ah Indoor a khelhna tur Basketball Court leh Music Centre inkawp sak \an mek a ni a, hengte hian \halaite mamawh chhanna a pek ngei a beisei tih a sawi.
Sports & Youth Services Directorate building thar hi NEC a\anga sum hmuh cheng nuai 1040.42 senga sak a ni a, Lushai Engineers ten a sak hna hi an thawk a, kum 2016 December khan hna \anin tun thla ni 14 khan zawh fel a ni.
Building hi Mizopa chhiara chhawng 8 a sang a ni a, recreation hall, museum, gym, motor dahna leh conference hall mi 150 len theihna, Scouts and Guides, NCC leh NSS te awmna tur pindan te a awm a ni.
Inkhawm hi Sports & Youth Services Director Pu Pu Zothanmawia’n a kaihruai a, Pu H Lalbiakzauva MLA, leh sawmbik te an tel a ni.
