Tripura Bru Relief Camp 6-a Mizoram mi awmte lak let dan tur sawiho

0
343
views

Tripura Bru Relief Camp 6-a Mizoram mi awmte, sorkar laipui duh dan anga nakkum March thla a\anga lak let dan tur chu vawiin khan Lunglei Additional DC, Pu Benjamin Lalzama kaihhruaiin DC Conference Hall-ah sawiho a ni a, Pu Benjamin Lalzama chuan Mizoram State Level Core Committee on Bru Repatriation leh Union Home Ministry duh dan angin Mizoram mi dik takte chu Mizoramah lak let leh tum an nih thu te, laklet an nih hunah boruak \ha leh muanawm tak hnuaia fel taka thil tih theih a nih nan engkim fel taka ruahman lawk a \ul thute a sawi a, sum mamawh zat tur te, lirthei mamawh zat tur te, ven himna leh hriselna chungchang te, an awmna hmun tura an awm ngheh hmaa an khawsak lailawkna hmun tur siam dan tur te, ei tur mamawh pek dan turte ngaihtuah lawk a ngai niin a sawi. Lunglei District-a lak kir tur, Bru-te hi nikum November thla khan Camp hrang hranga kalin enfiah an lo ni tawh a, an vaiin chhungkaw 384 an ni a, heng mite hi khaw 4-ah sem darh an ni ang.