Tripura Bru Relief Camp 6 atanga Mizoram mite laklet dan tur ruahmanna lo siam tawh chu Monitoring Committee vawiina Damcherra BDO Office Conference Hall-a thukhawmin a tidanglama, tun thla ni 25 atanga tana September ni 25-a zawhfel tum turin Mizoram sorkar leh Tripura sorkar te hriattir an ni.

0
323
views

 

Hemi rual hian July ni 3-a inremna lo siam tawh anga Mizorama let duhte hming la nawn leh turin Mizoram sorkar ngen a ni a. Meeting hi Union Home Ministry-a Special Secretary, Internal Security changtu Pi Rina Mitra-in a kaihruai a, Joint Secretary Home Pu Satyandra Garg leh mi pawimawh dang an tel a ni. Mizoram sorkar aiawhte chu Principal Secy Home Pu Lalnunmawia Chuaungovin a ho va, Monitoring Committee Chairman, Pi Rina Mitra chuan Bru Relief Camp 6-a Mizoram mi awmte lakkir chungchanga July ni 3-a New Delhi-a inremna lo siam tawhah MBDPF President, Pu A. Sawibunga chuan a hming ziak hnukdawk leh mahse sorkar chu ruahmanna lo siam tawh angin a kal dawn a ni a ti a, Tripura Bru Camp paruk te hi October ni 1 a\angin khar a ni ang a, sorkar laipui a\anga ration leh \anpuina dang pek zawng zawngte pawh tihtawp a ni dawn tih a sawi.

Monitoring Commitee-a tel Central YMA President, Pu Vanlalruata chuan Tripura Bru Relief Camp-a Mizoram mi awmte avanga buaina leh harsatna awm chinfel thuai \ul a tih thu te, Mizoram mi dik tak, Mizorama la let leh tura ruahmanna siam chu YMA chuan \ha taka hlen chhuahpui a duh thu te a sawi a ni.

Hetihlai hian Tripura Bru Relief Camp-a Electoral Roll ennawnna nei leh tura Election Commission thupek bawhzuitu nia hriat sorkar mi tirh zinga mi \henkhat chu vawiin khan Zawlnuamah tihdin nia thudawn a ni a, tihdin an nihna chhan hi Central YMA kaihhruai NGO Coordination Committee inthlanna kaihhnawih thil reng renga Tripura Bru Camp-a neih tawh loh ni se tia thu a lo dah tawh vang a ni.

Tripura a Bru Relief Camp 6-a Mizoram mi awmte Mizorama laklet dan tur chungchang nimina Damcherra BDO Office Conference Hall-a sawihonaah Bru hruaitute chuan tuna harsatna chi hrang hrang an tawhte chifel sak hmasak an nih loh chuan an let theih an rin loh thu an lo sawi tawh a. An mahni chhawmdawlna tur, chhungkaw tin tan Rs 4,00,000/- ruahman chu fixed deposit-a dah lova saving Account pangngaia dah ni se tihte, Bru mi Campa awm thubuai hrang hrang neihte chu ngaidam hmasak ni se tih te, Mizorama an lo let huna an in sakna tur, House Building Assistance Rs 1,50,000/- chu instalment 3 ni lovin Instalment 2-ah pek nise tihte, an chenna in tur sak hmasak nise tihte, Chhungkaw tin tan Ration Card leh Addhar Card-te siamsak hmasa vek nise, hemi bakah hian 2016 November thla a Mizoram mi enfiah bak tuna Campa la awmte chu enfiah leh phawt nise tihte an phut a ni. Meeting-ah hian Bru Camp 6-a mite chauh sorkar pawmpui an nih thu leh Nobojoy Relief Camp-a chengte chu Camp danga awm te dawn ang ham\hatna leh \anpuina dawng thei an ni dawn lo tih hrilh an ni a, Mizorama laklet tura anmahni enfiah hna pawh he Camp-ah hian neih a ni dawn lo tih hriattir an ni.