Tripura Relief Camp 6 awmte Mizorama lak let dan tur ruahman

0
371
views

Nakkum March thla a\anga Tripura Relief Camp 6-a Bru awmte, Mizorama lak let dan tur ruahmanin vawiin khan Mamit District Level Core Committee on Bru Repatriation chu an \hu khawm a, Dist. Bawrhsap, Pi Lalbiaksangi chuan Home Ministry ruahman angin nakkum March thla a\angin Tripura Bru Relief Camp-a Mizoram mi dik tak awmte chu lak let tum a nih thu te, lak let theih chin zawng zawngte chu boruak \ha leh ralmuang tak hnuaia fel fai taka lak let tum a nih thute sawiin, lak let an nih huna an kal dan tur te, an chen lailawkna tur hmun siam dan tur te, an ei leh in tur buatsaih dan turte leh thil \ul dangte sawiho a ni. Tripura-a Mizoram Bru awmte hi nikum November thla khan a hmunah kal chilha enfiah an lo ni tawh a, chungte chu puitling 18,116 leh naupang 7,518 an ni a, heng mite hi anmahni dahna tur khua \heuhah Administrative Officer leh khawtlang hruaituten an lo buaipui dawn a ni.