Pu Lalchamliana chuan, Tuikuk te chungchangah home ministry thu leh hla an ngaihchang tih a sawi a, Mizoram sorkar tan tun dinhmunah tih theih an neih loh thu sawiin hmalakna thar a awm rih lo tih a sawi.
Tripura Camp hrang hrang paruk-a Tuikuk awmte hi Mizorama hruaikir tuma hmalakna vawi tam tak a hlawh chham hnuah Tripura-a an awm hlen theihna turin kumin January ni 16 khan New Delhi ah sorkar laipui, Mizoram leh Tripura sorkar aiawh leh Tuikuk pawl hrang hrang aiawhten inremna thuthlung an ziak a ni.
Inremna ang hian nikum November ni 30, hnu lama Relief Camp a la awm mekte chu an duhthlanna in Tripura ah an cheng hlen thei dawn a, hetihrual hian kum 2018 July ni 3-a inremna lo siam tawh anga Mizorama let duhte tan pawh hun la hawn chhunzawm zel a ni bawk ang.
Tripura sorkar chuan Camp hrang hrang paruka cheng mekte hi inremna ziah a\anga ni 15 chhungin a endik ang a, thla hnih chhungin an inbenbelna tur ram enfel tur a ni a, thla 5 chhungin chhungkaw tin an chenna tur ram pek fel tur a ni a, thla 6 chhungin an awmna tur hi luahlutin camp hrang hrang 6 pawh khar nghal tur a ni.
