Tuidam Division hnuaia Divisional Horticulture Office bultumin vawiin khan kuthnathawktute thingfanghma chin dan Horticulture Conference Hall-ah zirtir an ni. Divisional Horticulture Officer, Pu T. Vanlaltlana chuan thei ei tam chu mihring tan a hrisel tih sawiin, Thingfanghma huan siam chu eizawnna tling a ni a ti a, mithiam zawkte thurawn ngaipawimawh turin kuthnathawktu kalkhawmte a chah a ni. Kuthnathawktute hi Horticulture Extention Officer, Pu C. Lalduhzuala leh Pi F. Lalrinpuii ten an zirtir a, hemi hnu hian Horticulture Complex-ah thingfanghma a taka phun chhinin an thil zir te an ti chhin nghal a ni.
