Tuipuiral tlangdungah a khat awkin lir a la nghing chhunzawm zel a, vawiin chawhnu 1:21 kha mihring hriat thama a nghin hnuhnun ber a ni.

0
50
views

Tuipuiral khaw hrang hrangah hian lirnghing vanga chhiat rupna a thlen thulha tlankhawmna tur leh mahni in lum luah ngam lote tan hulhiap zar a ni a. Tuipuiral tlangdunga lirnghing hi na lutuk thleng lo turin mithiamte chuan ngai mah se, lei hnuai thil a nih avangin rin loh taka thil thleng thut thei a nih avangin mipui an ralkhel hle a, zan lamah mahni in lum luah ngam lo, pawna hulhliap zara riak chhuak mi thahnem tak an awm a ni.

Khawbunga hulhiap zarna hmun hrang hrangte khan Khawbung BDO Dr Manesia Khaimeichho chuan tlawhin hnatlangte thingpui lum nan Rs 5000/-a pe a. East Tuipui bialtu bialtu MLA Pu Ramthanmawia chuan lirnghing tuar na zual khaw hrang hrang ah silpaulin bundle 16 a sem a. ZPM hotute leh MLA thawh khawm cheng nuai 3 leh sing 4 chu ZPM President Pu Lalliansawta”n Tuipuiral Group YMA kutah a hlan bawk a ni