Tuirial bawhhlawh paihna hmuna SIPMIU in bawlhhawlh sawngbawlna hmun a buatsaih leh bawlhhlawh hmanga leitha siamna hmun tur Vermi Composting Plant a duan chu AMC in a hmang chhin dawn a, a bul tanna Project pilot atan veng 9 thlan chhuah khawtlang hruatute zirtirna pek an ni.

Inkhawm hi AMC Secretary Pu David Lalrinawma’n a kaihruai a, Dy Mayor Pu Lalringliana chuan, bawlhlawh chu rampumah buaipui tham a tlin avangin Sorkar laipuiin Solid Waste management Rules 2016 a siam niin a sawi a, he dan hi ram chhung State hrang hrang leh hmun pawimawhah hman tur a nih thu a sawi. Pu Lalringliana chuan Aizawl khawpui bawlhhlawh te chu a \awihthei leh \awihthei lo thliar hrangin SIPMIU Tuiriala Solid Waste Resource Management Center tharah paih tura ruahman a nih thu sawiin tunthla tawp lamah a enchhin a nih tur thu a sawi a, hemi atan veng 9 te chu AMC Board Of Councillor thukhawmin a thlang chhuak niin a sawi a, a hlawhtlin ngei a beisei thu sawiin a tah tawla veng dangah pawh kalpui zel tura ruahman a nih thu a sawi.

AMC in bawlhlawh paih dan thar a hman \an turah hian veng 9 Durtlang, Laipuitlang, Chanmari, Tuithiang, College Veng, Nursery, Tlangnuam, Chawnpui leh Kanan vengah te a kalpui phawt dawn a, thla 5 chhung enchhin a nih hnuah a tah tawla veng dang pawh kalpui zel tura ruahman a ni.

Bawlhlawh paih dan thar kalpui tur chungchanga hriat tur pawimawhte SIPMIU Engineer Pu ZD Lalrotluanga’n a sawifiah bawk. Inkhawmah hian AMC Cluncillor, SIPMIU hotute leh thlan bik khawtlang hruaitute an tel a ni.