Tuirial Hydel Project MNF in Compensation vanga a dahtawl tawh chu Congress sorkarin mipui chhawr theih turin a tipuitling niin Pu KS Thanga’n sawi

0
393
views

Agriculture Minister Pu KS Thanga chuan Tuirial Hydel Project MNF in Compensation vanga a dahtawl tawh chu Congress sorkarin mipui chhawr theih turin a tipuitling niin a sawi. He thu hi vawiina Aizawl South-III MPYCC Block-II Conference, Samlukhai BNRGSK Hall-a neih a hmanpuina-ah sawiin, Tuirial Hydel Project chu MNF in sum siam nan chauh an hmang a, hna pawh thawh chhunzawm theih lo in an dah ni a sawiin Congress sorkarin bul a tan that leh hnuah thang that lak tumin Prime Minister-in a hmun pawh thleng peih lovin lammual atangin a hawng niin a sawi. Pu KS Thanga chuan, Referral Hospital siam tuma MNF in Ar in ang chauha a chhuah tawh pawh Medical College ni turin Congress sorkarin a din chho mek tih sawiin, tunah chuan mipuiin an chhawr tangkai tawh hle tih niin a sawi a, mithenkhatin Medical College din thei tak tak lo tur anga an sawi chu Lengpui Airport a, Choak bak tum lo tur anga an sawi, tuna thlawhtheihna an intum chhawk zut zut angin Medical College chu an tipuitling ngei dawn niin a sawi bawk. Inkhawm hi Aizawl South-III MPYCC Block-II President Pu R Lalhnehzaua’n a kaihruai a ni.