Tuirini lei dawhna tur ban lian phun hnathawh mekah lei banpui innghah chhan chhung tan dawn

0
231
views

Sesawng leh Khawruhlian inkara Tuirini lei dawhna tur ban lian phun hnathawh mekah lei banpui innghah chhan chu naktuk a\anga chh<n \an a ni dawn. Hemi chungchanga ZONET zawhna chhangin bialtu SDO, Pu Jimmy Vanlalsiama chuan lei innghah chhan chh<nna tur hian thirban zawhfel veka, a banpui tur thir phan hna pawh thui tak thawh a ni tawh a, naktuk a\anga a chh<n hna thawh hi chhunzawm zelin lei dotu tur banpui siam hna hi a rang thei ang bera zo turin hnathawktu, SLT Infracon Pvt. Ltd. chu nawr zui mek a ni a, he lei banpui ‘Pier’ chh<n zawh hnu hian hna chhunzawm theih nan ni 21 vel tal nghah a ngaih dawn avangin May thla laihawl velah chuan thir lei dawh hna hi a \an theih beisei a ni. Hetihlai hian lui kam lehlam, Khawruhlian lama lei hlui innghahna abutment chu rin nghal theih a ni a, Sesawng lamah erawh chuan abutment hi a hrana siam a ngai a ni. Hetihlai hian kumin fura Tuirini lui kanna tur bailey bridge dawh nan hian Chhingchhipa lei \hiah tak ch^k hlui chu hman tum a ni a, tunah hian lei hlui thir leh a kilhna te hi Tuirini kamah phurh thlak zawh deuh thaw a ni tawh a, lei innghahna tur leh lei laia dotu tur banpui phun zawh hunah lei dawh hna hi PWD Mechanical Division-in a thawk dawn a ni. Puan tawh angin Tuirini bailey bridge thar dawh lai chu kumin February ni 13 khan a chim avangin \hal laia Tuirini kanna tur lui hnar lamah siam a ni a, fur ruahtui tlak huna he lei hi hman theih loha a awm mai dawn avangin Tuivai, Tuisual leh Chalfilh Group YMA te chuan an group huam chhunga khaw tam tak mangan loh nan chak taka lei dawh hna thawk tur leh fur ruahtui tlak hmaa zo fel turin PWD an ngen a ni.