Tukin dar 6:30 vel khan Samthang atanga Vaisamtawk leh Zikhlum phur truck pakhat chu Sialsuk khaw hnuai, ‘Chakai zawrhna’ bulah a chesual bawk a. Lirthei khaltu Lalhruaitluanga kum 30 mi, Khawbung Dinthar Veng chu chetsualna hmunah hian a thi a, motor-a chuang dang mi 3 pawh an hliam a ni.

0
64
views

Lirthei chesual-ah hian mi 4 an chuang a, Sialsuk khaw hnuai Chakai zawrhna thlang, kawng thlang lama an ding chu kawng thlang lam lei nemin a tlakpui a, kawng thlang lam awih pang meter 50-a thui an lum a ni. Motor khalhtu boral ta, Lalhruaitluanga ruang hi Sialsuk PHC-ah Postmortem a nih hnuin an khua panpui a ni a. Motor neitu Pi Thanghniangi fapa Ramlianthanga Samthang khua chuan hliam na tak a tuar a, Aizawl Civil Hospitalah enkawl tura lak a ni, midang pahnihte pawh Aizawl Civil Hospital panpui an ni.

Lirthei chesual hriat a nih velah Sialsuk YMA te chuan buaipui nghalin Aizawl atangin East Tuipui Bialtu MLA Pu Ramthanmawia leh Aizawl South III Bialtu MLA Prof F Lalnunmawia ten chetsualna an pan nghal a, mithi leh hliam tuarte bakah chhanchhuah hna thawktute tanpuina an pe a ni.