Tukin khan Mamit District chhung Zamuang, Rengdil leh Damdiai khua-a chenna in thahnem tak rialin a deng chhia.

0
32
views

Rengdil leh Zamuang khua-a rial tla hi a lian hlawm hle a. Sorkar thuchhuah tarlan danin Rengdil khuaah hian In 211 deng chhia-in, In 91- te chu a chhe zual a. Zamuang khua-ah hian In 216 vel a chhia a, In chhe zual 82 a awm bawk a. Damdiai khua-ah pawh In 27 deng chhia-in, 4 te chu a chhe zual a ni.

Mamit District chhunga rialin a den chhiatte hi Mamit District Disaster Management Authority kaltlangin Mizoram Sawrkar hriattir nghal a ni a. Vawiin vek hian District Disaster Management Chairman Dr Lalrozama chuan Rengdil leh Zamuang khua hi a tlawh nghal a, Mamit SDO sadar Pu Victor Lalawmpuia’n Damdiai khua a tlawh nghal bawk. Rialin a den khuate tan hian Silpauline pek nghal a ni a. A tul dan a zirin rangva pawh pek tura ruahman a ni bawk. Mamit District Bawrhsap hian Rengdil leh Zamuang khua-a hnatlangte thingpui in na tur Rs 5,000/- ( Sangnga) ve ve a pe nghal a ni.