He Building chim chhan chhui chhui tura Sorkar-in a ruat Aizawl Bawrhsap, Pu Vanlalngaihsaka, Aizawl District Magistrate nibawk chuan Zonet zawhna chhangin, a chhui chianna chu naktuk hma hian sorkar-a thehlut tura tih ni mah se, an la zo lova, a chhan chu tualchhung a\anga tih mai theih loh, a endik tur hmun dang a\anga koh ngai an awm vang a ni a ti a. Tunah hian kar khat chhung hun dil belhin, hemi chhung hi chuan an zawh hman ngei a beisei tih a sawi. Pu Vanlalngaihsaka chuan, Magisterial Inquiry-ah hian member dang ruat belh ni lo mah se, a hnuaia Officer ten a \ul ang angin an pui tih a sawi.
Mizoram sorkar chuan Leitan BSUP building chim vanga chhiatna thlen chhan chhui chiang tur hian tun thla ni 10 khan Magisterial Inquiry hi a din a, in pathum chim chhan te, mi 3 thihna thlen chhan leh mi 11 hliam chhan chhui chianga hapta hnih chhunga report thehlut tura tih a ni a. Sorkar hun tiam ang chuan naktuk hi Report thehluh hun tawp a ni.
Durtlang Leitan BSUP Complex-a Building 5, ko chhak lam lung tawlhin a nek vanga a chim avang hian, Sorkar thupek angin helai hmun hi mihring chen zelna tlak a nih leh nih loh mithiamten an enfiah dawn a, helai hmuna chengte hi Sorkar thupek angin Rangvamual leh Edenthar BSUP Complex-ah sawn vek an ni.
