Khung hrante zingah hian zu leh ruihhlo-a buai engemaw zat an awm avangin damdawi lam thiamten an dinhmun an enfiah vek a, khung hran an nihna hmun Quarantine Centre enkawl tur hian Management Committee dinin Magistrate enkawlna hnuaiah Police leh damdawi lam thiamten an vil a ni.
Kolasib District Bawrhsap, Dr. H Lalthlangliana sawi danin inkhung hranna hmunah hian fimkhur takin ruahmanna siam a ni a, khung hran mekte chu inhnaiha an awm phal a ni lo a, eirawngbawltute pawhin hung pawn lamah ei tur siamin, fun hran sa vekin eitur an pe a ni.
Ruihho-a harsatna tawkte an nih avangin Mizoram Kohhran Hruaitu Committee, Kolasib District lamin rawngbawlna an neihpui a, a huhova inkhawm lovin anmahni awmna room \heuh a\anga an ngaihthlak theih turin au rinna hmangin chawhma leh chawhnuah hun hmanpui \hin an ni.
Thingdawl Polytechnic Quanrantine Centre hi venhimna uluk taka kalpui a nih avangin thuneitu ten phalna an pekte tan lo chuan tlawh pawh theih a ni lo tih Kolasib District Bawrhsap chuan a sawi.
