Tunhnaia ruahsur nasa vanga Bunghmun South khaw chhung lei khi chu vawiin khan bialtu MLA, Pu Zodintluanga’n a tlawh

0
216
views

Tunhnaia ruahsur nasa vanga Bunghmun South khaw chhung lei khi chu vawiin khan bialtu MLA, Pu Zodintluanga’n a tlawh a, hmalak zel dan tur khawtlang hruaitute a sawipui. Bunghmun South khaw chhung hi tun thla ni 13 a\ang khan a khi \an a, lei khi vang hian chhungkaw 29 an riak rau tawhin, lei hi vawiin thlenga ala chet zel avangin an khawtlang hruaitute chuan chenna in rauhsan tak zinga a hlauhawm zual 27 chu \hiah thuai an duh thu an hrilh a, Pu Zodintluanga chuan lei khi hi District Disaster Management Committee lama thlen nghal a nih tur thu leh leikhi-in a chim pui mai theih in-te chu \hiah thuai a nih theih nan hmalak nghal a nih tur thu a hrilh a, vanduaina tawk chhungkuate chuan an huan thlai leh an chenna in chhia avanga zangnadawmna an dawn theih dan lehkha pawimawh tihfel thuai a nih tur thu leh in \hiah tur chak \ha awm ang ang chu hman leh theih tura sawngbawl tura \anlak a nih thu a sawi a ni. Bunghmun a\anga thudawn danin, an khaw lei khi hi a khaw pum tan a hlauhawm thei dawn nia hriat a ni a, Govt Middle School chu an kawtah a khik avangin School kai ngam a ni tawh lova, vawiina tlawhtu Bialtu MLA leh khawtlang hruaititu ten hian hmun dang luah tur an dap nghal a.

Chenna in rauhsante chu Community Hall-ah indah lailawkin, a \hen chuan an chhungkhat lainate an bel hlawm a, Bunghmun hian an khaw chhunga lei khi bakah hian an khaw pawhtu kawng chu hmun engemaw zatah a bal bakah a min avangin tlawhpawh a harsa rih hle a ni.

Thorang bialtu MLA, Pu Zodintluanga hian a bial chhunga tuilian vanga harsatna tawk Marpara South pawh vawiin khan tlawh nghal a tum a, kawng chhe karah engemaw chen ke-in kal mah se, chirhdiak a tam bakah kawng a min nasat avangin a kal tlang thei ta lo a ni.