Aizawl West I Bialtu MLA, Pu K. Sangthuama’n Mizote an dinkhawchhuahna turin ram, hnam leh sakhua a him a ngai tih a sawi

0
341
views

Aizawl West I Bialtu MLA, Pu K. Sang\huama’n Mizote an dinkhawchhuahna turin ram, hnam leh sakhua a him a ngai tih a sawi. He thu hi nizana Govt. Complex Branch YMA Day lawmna a hmanpuinaah a sawi a, Pu K. Sang\huama chuan Central YMA-in thupui atan ram leh hnam humhalh a puang chu an tih tur dik tak an ti-ah a ngaih thu sawiin, hemi kawnga an hmalaknah mipuite pawhin thlawp \hat a pawimawh hle a ni a ti. Pu K. Sang\huama chuan, YMA member te chu Nationalism-ah an chian a pawimawh hle niin a sawi a, hnamah chian a ngaih thu sawiin a tichhe thei lakah vengtu ni thei tura inbuatsaih a pawimawh niin a sawi bawk. Pu K. Sang\huama chuan Govt. Complex-a LSC nei an tlem chungchang sawiin inhmun nei te LSC sak turin sorkarah \um engemawzat a thlen tawh \hin a, chu chu sorkarin a ngaihsak tawk lo tih sawiin, sorkar thil tihdan chu vanduaithlak niin a sawi bawk a ni. Kumin Assembly inthlannaa neih huna thuneihna an chan chuan Govt. Complex-a in nei te LSC siamsak an tum thu a sawi bawk. Pu K. Sang\huama hian Govt. Complex-a YMA Branch YMA Day hman nan Rs. 5,000/- a pek bakah YMA Hall sak nan MLA Local Area Development fund a\angin cheng nuai 2, sing 5 pek a tum thu te a sawi a, YMA Life Member 4 hnenah chawimawina thuziak a hlan bawk. He Inkhawm hi Branch YMA Vice President Pu Pu B.Lalrinsanga’n a kaihruai a ni.