Environment Forest and Climate Change Dept chuan saza kap lai video hi police ten an chhui hnuah a post hmasa ber tu an chhui chhuak a, hei hi bawhzuiin Phulpui khaw mi pahnihte chu police ten an man a ni. Saza kahna Silai license hi thlai venhimna crop protection atana pek a ni a; a nihna ang lova an hman avangin an license cancell sak tura hmalak an tum thu forest dept chuan an sawi a, a kaptu pahnih an mante hi vawiin khan court ah hruai an ni a, court hian tun thla ni 19 a an chungthu ngaihtuah turin a ti a, Central Jail-a tang rih turin a thawn a ni.
Saza-hi Wildlife Protection Act, 1972-in ramsa a humhalh bik, Schedule-I hnuaia awm a ni a. A kaptute hi kum 3 atanga kum 7 thleng lung in tan bakah Rs.10000/- aia tlem lo chawitira hrem theih an ni tih Forest Dept thuchhuah chuan a sawi.
