Union Minister of State for Tourism, Pu KJ Alphon-a’n vawiin khan Palak leh Siaha biala BJP candidate tan campaign a hawng.

0
367
views

 

Hawnna inkhawm Siaha Bazara neihah Pu KJ Alphon chuan Mara Autonomous District Council-in Congress sorkar hnuaia thuneihna sang zawk neih hun rei tak a lo dil tawh tihhlawhtlin a ni lo chu pawi a tih thu sawiin, BJP a sorkar chuan 6th Schedule siam \haa Autonomous District Council te thuneihna sang zawk pek an nih tur thu a sawi a, Parliament thlasik \hutkhawmah 6th Schedule siam\hat an dilna chu ngaihtuah tura put luh a ni dawn niin a sawi. Autonomous District Council ten Mizoram sorkar kaltlang lova Central sorkar a\anga anmahni enkawlna tur sum an hmuh theihna tur pawh ruahman sak a ni dawn niin a sawi bawk. Union Minister chuan \halai tam zawkin anmahnia eizawnna an neih theih nan Skill Development Center leh Polytechnic College din sak an ni dawn niin a sawi a, \halaiten infiamna field \ha an neih theih nan Sports Stadium siam sak a tiam bawk. Pu KJ Alphon chuan BJP sorkar Narendra Modi kaihhruaiah amah chu Kristian Minister a ni tih sawiin, India ram hi a rama cheng mipuite ta a ni a, chung zingah chuan Hindu, Muslim, Sikh, Buddhist, Kristian leh sakhaw dang betu an awm a, inthliarhranna a awm lo niin a sawi a, hmasawnna tur erawh chuan Narendra Modi-a kaihhruai sorkar chu a \ha ber niin a sawi bawk. Pu Alphon chuan kum li chhunga India rama Pu Narendra kaihhruai hnathawh chu chhinchhiah tlak khawpin a nasa niin a sawi a ni. Campaign tura lo zin Union Minister hi Assam Finance Minister, Pu Hemanta Biswa Sharma, North East Democratice Alliance Chairman ni bawk leh hmar chhak biala BJP Zonal Secretary, Ajay Jamwal ten an \awiawm a, Pu Hemanta Biswa Sharma pawhin he inkhawmah hian thu a sawi a ni. Siahaa ZONET Reporter sawi danin he campaign hawnna inkhawmah hian mi \hahnem tak an tel a ni.