Vaivakawn atanga Hunthar Veng leh Chanmari West panna kawng pengthuam zauh tumin thawk tan

0
461
views

Vaivakawn atanga Hunthar Veng leh Chanmari West panna kawng pengthuam zim lutuk tihzauh hna chu UD&PA bul tumin Inrinni zan atang khan PWD Aizawl Road North Division-in an thawk tan. He hna hi PHE Superintending Engineer, Pu Lalrothanga kaihhruaina hnuaiah thawh a ni a, kawng pengthuam laiah hian Chanmari West lam kawng sir ko laih bala, kawng tihzauh a nih bakah helai hmunah hian kawng chhuat hnawh pawn hlek a ni a, Chanmari West lam kawngah kawng chhuat laih hniam hlek a ni. He hna hi JCB hmanga hna thawh a ni a, PHE tui pipe leh telephone hrui phum siam that ngai a awm nual avangin hna hi chak taka thawh theih a ni lova, zan lama lirthei tlan tlem hunah kawng kharin hna thawh thin a ni ang a, chhun lamah chuan kawng hi hawn thin a ni ang. Hnathawh kal lai hi UD&PA Minister, Pu Zodintluanga chuan Pathianni khan a tlawh a ni.