Vawiin a\ang khan Agartala, Tripura-ah NITI Forum for North East hmasa ber neih a ni. Mizoram aiawhin Planning Minister Pu Lalsawta leh Secretary Dr. C. Vanlalramsanga te an tel a, NITI Forum for North East ah hian NITI Aayog Vice Chairman Dr Rajiv Kumar leh Minister of State for Ministry of DONER Dr Jitendhra Singh ten thu sawiin he forum in a tum ber chu North East States ten harsatna thuhmun an neih sutkian dan sawi ho tur leh mamawh in\awm an neih te ruahman dan tur sawihona atana ruahman anih thu an tarlang. Planning Minister Pu Lalsawta pawhin thu sawiin Mizoram mamawh leh North East anga thawhhona tur kawng hrang hrang a tarlang a. Connectivity \ha neih hmasak a pawimawh thu leh infrastructure development ngaihpawimawh a \ul thu a sawi bawk. Entrepreneurship Development pawimawh leh heti lama Mizoram sorkar hmalakna pawh tarlangin Magnetic Mizoram Investor Summit ni tun thla ni 20 leh 21-a Aizawl a neih turah kal \heuh turin a sawm bawk. Meeting ah hian Tripura, Nagaland leh Meghalaya Chief Minister te bakah Arunachal Pradesh, Assam, Sikkim, Mizoram leh Manipur-a Planning Minister te leh North East-a Chief Secretaries leh Planning Secretaries te bakah mi pawimawh dang engemawzat an tel bawk a ni.
