Aizawlah chuan he ni hi Pachhunga University College Seminar Hall-ah hman a ni a, a hmanpuitu Mizoram Youth Commission Chairman, Dr. Vanlal\anpuia MLA chuan, ram chhung hmun \henkhatah HIV kai zat an tlak hniam laia Mizoramah he natna a pung zel nia lang thung chu thil pawi tak a ni tih sawiin, he natna do kawngah thapui thawh lehzual a ngai tih a lang chiang hle a ni, a ti a. HIV hi hripui anga a len zel chuan midang nun chhan nana hlu ber thisen pek zat pawh a tlakhniam theih avangin HIV dolet tur hian \halai tha chak zawk ten hma an lak a \ul tawh a ni, a ti.
Inkhawm kaihruaitu MSACS Project Director, Dr. Lalthlengliani pawhin \halaite chu thisen thianghlim pe thei tura invawng tlat turin a chah a ni.
Association for Voluntary Blood Donation President, Pu C. Lalnunnema pawhin thu a sawi bawk. Kumin April a\anga August thla chhung khan Mizoram pumah a thlawna thisen pek zat chu Unit 12,398 a ni a, hei hi thisen dawn a\anga zaa 89.57 a tling a ni.
