Vawiin kha Baptist Church of Mizoram hnuaia Thalai Kristian Pawl din champha vawi 67-na a ni a, he ni hi Mizoram chhung hmun hrang hranga TKP Unit te chuan anmahni huam chhung theuhah Pathian thua intuaitharna leh intihchakna lam hawiin urhsun takin an hmang.

0
644
views

Kumina |KP Day thupui atan ‘Pathian chunglam koh chhan’ tih hman a ni a, Unit tin te chuan Pathian biakna leh chawimawina inkhawm an nei a, vawiina inkhawm thawhlawm hi bial kaltlangin M|KP Hqrs.-ah an chhunglut \heuh dawn a ni. Inkhawmah hian thuhriltuten thupui thlan chhuah hmanga Pathian thuchah an sawi bakah chakna leh hmasawnna dilin Pathian hnenah an \awng\airual bawk a, an \awng\ainaah hian |KP member zawng zawng tan Pathian malsawmna leh hmasawnna an dil a, Kohhran kut leh ke \angkai tak an nih chhunzawm zel theihna tur atan leh Kohhran hruaitute tan an \awng\ai a ni.

M|KP hruaitute leh Headquarters hruaitu \henkhat te chu hmun hrang hranga |KP Day hmannah an insemdarh a, Vice President, H. Lalthangliana chuan Pukpui Unit-ah a hmang a, Organiser, Rev. Lianchhunga Khiangte chuan Lunglawn East Unit-ah, Asst Secretary, Pu V. Rokhawlkima chuan Zion Unit-ah, Treasurer, Pu Lalnuntluanga chuan Luangmual Unit-ah, Finance Secretary, Nl. Zothantluangi Khiangte chuan Kikawn Unit-ah a hmang a ni. Anni bakah hian BCM President, Elect, Rev. PC Liandula chuan Zote ‘S’ Unit-ah a hmanpui a, Zote ‘S’ Kohhran hian |KP Day lawm rual hian President Elect, Rev. PC Liandula ruaiin Crusade an buatsaih nghal a ni. M|KP hi kum 1951, July ni 30 khan Serkawna \halai rualte leh Kohhran Upa ten Zosap Missionary-te kaihhruaina hnuaiah an din a, hetah hian President hmasa ber chu Pu Lungruala a ni a, Pu Lungruala hian vawiin thlenga la dampuiin, |KP Day Champha hmangtu zawng zawngte hnenah duhsakna a hlan a ni. M|KP-ah hian tun dinhmunah member 46,145 an awm a, heng zinga 28,444 te chu mipa an ni a, a bak 17,711 te chu hmeichhia an ni. |KP Day champha vawi 67-na lo thleng lawm nan hian member \hahnem takin damlote tan thisen an pe a ni.