Vawiin khan Information & Public Relations Department leh Central YMA tangkawp buatsaihin Central YMA Hall, Tuikhuahtlangah YMA Chanchinbu enkawltute pualin chanchinbu enkawl dan zirhona “Media Workshop, 2020” neih a ni a.

A hmanpuitu Deputy Chief Minister Pu Tawnluia chuan YMA thiltumte chu a zahawmin mizo hnam leh khawtlang nun innghahna lungphum pawimawh tak a ni a ti a. Khualzahawm I&PR Director Pi Lallianpuii pawhin YMA chanchinbu enkawltute chu an pawimawhzia inhre thar leh fo tura chahin, chanchinbumite tih tur leh tih loh tur chi hrang hrangte a theih chinah zawm turin a chah a ni.

Media Workshop ah hian Aizawl khawchhung YMA Branch 83 leh Aizawl khawpui pawn YMA Branch 58 atangin YMA chanchinbu editorial board member te an tel a ni.