Vawiin khan Minister of State for Sports & Youth Services leh President Mizoram State Sports Council ni bawk, Pu Robert Romawia Royte hovin International inelna a medal la naupang pathum leh Republic Day Camp a tel Mizo NCC thalai 6 te lawmpuina hlan an ni.

Borca, Sweden a Golden Girls International Boxing Tournament, January ni 30 leh February ni 3, 2020 inkara neihah Rudy Lalhmingmuani chuan 66 Kgs Category ah Silver Medal a la a. Abu Dhabi, UAE a IMFA Asian Muaythai Championship, December ni 17 leh ni 22, 2019 inkara neihah Joseph Vanlalhruaia chuan 48 Kgs Category ah Silver Medal lain, Eliza Zoramchhana chuan 34 Kgs Category ah Bronze Medal a la ni. Heng mite bakah hian Republic Day Camp a tel NCC Cadet Vanlalchhanhimi; Ngurnunsanga Sailo; Ruthi Rochanpuii; Joshua Remlalliana; Samuel PC Lalhriatpuia leh K. Lalmuanpuii te pawh lawmpuina hlan an ni.