Zampuimanga Group YMA rorel inkhawm zo fel

0
583
views

Zampuimanga Group YMA rorel inkhawm Pangbalkawna Ningani zana \an chu neih chu nimin khan zawhfel a ni. He rorel inkhawmah hian an thu tlukna siam zinga langsar zualte chu chemical fertilizer hmanga hnam dangte thlai chin an Group huam chhungah zawrh a nih loh nan hmalak ni se tih te, lui leh ram lama nungcha humhalhna khauh zawka kalpui ni se tih te, an Group huam chhunga Zohnahthlak ni lo VC inthlannaa candidate-a dah an nih loh nan hmalak ni se tih rawtna chu Executive Committee-in lo zir chiang se tih a ni bawk. He Conference-ah hian Kolasib Sub Hqrs. Group YMA hruaitute kaihhruaiin kum 2018-2019 chhunga Zampuimanga Group YMA hruaitu tur te thlan a ni a, President-ah H. Lalzawmliana, Bairabi South, Vice President-ah Pu Lalthangmawia, Meidum Branch leh Secretary-ah Pu C. Lalbiakenga, Bairabi North te an ni. Hemi hmalam hian Bairabi Joint YMA chuan an area huam chhungah mipuite nundan leh khawsak phung tibuai zawngin sorkar ni lo, pawl hrang hrangte chu anmahni duh thua thil ti lo turin an lo ngen tawh a ni.