Boral ta hi kum 40 mi, Lunglei Pukpui lam mi a ni a, a pasal PC Vanlalringa IR sipai nen Zawlpuiah hian an khawsa a, Zawlnuam YMA hruaitute hnen a\anga thudawn danin Lalhlimpuii hi nizan khan Zawlnuam Damdawi In panpui a ni a, a hnu lawkah a boral zui a ni.
Lalhlimpuii hi a pasal PC Vanlalringa hian kut a thlak nia sawi a ni a, nizan khan a ruang hi Zawlpuiah lak a nih hnuah tukin khan Zawlnuam Damdawi In ah post mortem a ni a, an khua, Lunglei Pukpui lam panpui a ni.
He tual thih thuah hian Kawrthah SDPO leh Kanhmun Police te pawh a hmunah an kal nghal a, Kutthlaktua puh a pasal PC Vanlalringa hi Zawlnuam Police ten manin, a lakah thubuai an ziaklut a, Mamit lamah thawn nghal a ni.
He tual thihna thleng an demna leh tualthattua puh a phu tawka hrem phutna lantirin Zawlnuam Jt. MHIP chuan tukin khan Damdawiin bulah kawng an zawh a, an member pui Lalhlimpuii chunga thil thleng chu thinrim thlak an tih thu leh tunhnuah thleng nawn tawh lo se an duh thu te an aurualpui a ni.
