Pu Zoramthanga chuan, RTI chu a dik lo zawnga hman theih a nih thu a sawi a, thil dil chhuah te a ni lo zawnga thehdarh a, midang tana hnawksak zawnga hman theih a nih thu sawiin dik taka hman a pawimawh a ni a ti.
Pu Zoramthanga chuan, Information technology te sorkarin duhthusamin ala hmang thei lo tih a sawi a, mipui ten RTI an hman ngai lova an information duhte awlsam taka an hmuh zung zung theih nan inforamtion technology chu tun aia \angkai zawka hman a \ul a ni a ti.
RTI week hawnna inkhawm, Synod Conference Center-a buatsaihah hian Pu Zoramthanga chuan RTI Act hman a nih hnuah mipuiin an duh ang an zawh chuah theih tak avangin a ruka thil sual tih tumna nasa takin a tlakhniam phah tih a sawi bawk.
Chief Inforamtion Commissioner Pu Lalduhthlana Ralte pawhin thusawiin SPIO leh ASPIO \henkhat, an hna chu phurrit a ngai an awm tih a sawi a, an hna panngai bakah dinhmun pawimawh tak an chelh a ni tih an inhriat a ngai a, ram tan a ni tih an hriat a, phur taka an thawh a \ul tih a sawi.
Pu Lalduhthlana Ralte chuan, RTI zawhna luh tlem chhan chu Mizote mizia, thawktute tihbuai an hlauh vang te, an zah vang te nia a lan thu a sawi a, hei hi chhuanlam tling a ni lo a, thawktute hna peng pakhat a ni tih mipuite pawhin an hriat a \ul a ni a ti
Inkhawm hi Inforamtion Commissioner Pu Zorammawia’n a kaihruai a, chawhnu lamah RTI chungchang zirho a ni.
