ZNP puipate party President hovin thu khawm

0
480
views

ZNP puipate chu vawiin khan Aizawl Treasury Square-a an party pisa-ah an President, Lalduhoma hovin an \hu khawm a. Tun hnaia pawl 5-in thawhhona, Zoram Peoples’ Movement (ZPM) nihphung leh \an lak tum dan an inhrilhfiah a ni. ZNP puipate \hukhawm hian resolution pass-in, Mizoram chu kum 30 chuang zet state puitling a nih hnu, vawiin thlenga sorkar awm tawh leh awm mekte lakah Mizoram mipui an beidawng mek nia sawiin, beidawngte beiseina thar neihtir tura thawhhona rintlak, Zoram Peoples’ Movement (|angrual Pawl) a lo ding ta chu lawmawm an tih thu an sawi a, sorkar laka beidawng tawh zawng zawng chu beidawng mai lo tur leh thawhhona huanga tel vek turin an sawm a. Chakma-te lakah Mizo mipuite \anrual a \ul em em laia CM ber, an thlavang hauhna nia ngaih theih zawnga a \awng zui zel chu pawi an tih thu leh Chakma chungchangah Ex-MNA-in an rilru nat thu thuchhuah an siam chu àwm an tih thu an sawi. Dik lo taka Mizorama lo pem lut, Chakma-te chungchangah hian ZNP chu a dinna ngaiah a la ding reng a, an chungchangah hian Political party leh tlawmngai pawlten lungrual taka hma lak ni se, Mizoram sorkar chu hmahruaitu ni se tih chu an duh dan a nih thu an sawi a ni.