Ram pum huap faina beihpui Swachhata Hi Seva kharna Aijal Club-ah

0
481
views

Ram puma huap faina beihpui thlak, “Swachhata Hi Seva” chu vawiin khan Aijal Club-ah khar a ni a. A hmanpuitu PHE Secretary, Pu V. Lalremthanga chuan, faina beihpui thlak hi khar a nih avangin faina beihpui thlak chu a tawp mai lo tih hre tur leh hriselna kawngah theihtawp chhuaha \an la zel turin mipuite a chah a ni. He inkhawmah hian September ni 15 a\anga October ni 2 chhunga Aizawl District-a RD Block tina khaw fai thlanna result puan a ni a, Darlawn RD Block-a khaw fai zualte chu Palsang, Zohmun leh Vaitin an ni a, Thingsulthliah RD Block-ah Rulchawm, Ruallung leh Saitual-II; Aibawk RD Block-ah Sailam, Maubuang leh Kelsih; Phullen RD Block-ah Suangpuilawn; Phullen leh Phuaibuang; Tlangnuam RD Block-ah Tuirial Airfield; Nausel leh Sihphir an ni. Hei bakah hian School fai thlan chhuahte lawmman pek an ni a, chungte chu Govt. Zotlang High School, Govt. ITI Middle School, Govt. Maubawk High School, Govt. Nepali Primary School, Bawngkawn leh Govt. Durtlang Primary School-I an ni.

He inkhawm hi Aizawl District Swachh Bharat Mission(Gramin) Chairman, Dr. A. Muthamma-i’n a kaihruai a, Aizawl District chu pawn lama inthiar awm lohna, Open Defecation Free-a puan a ni chu lawmawm a tih thu leh mipuiten tui thianghlim in tur an neih \heuh theih nan leh faina leh hriselna kawnga inzirtir zel a pawimawh thu a sawi.