Zofate Chawlhbuk sak tumna hmunah vawiin khan Sorkar laipui, Mizoram leh Assam sorkar aiawhte an inbia, State pahnihin sipaite hnuk kir nghal

0
485
views

Bairabi Zophai hmuna MZP ten Zofate Chawlhbuk sak an tumna hmunah vawiin khan Sorkar laipui, Mizoram leh Assam sorkar aiawhte an inbia a, ruahmanna an siam angin, State pahnih ten vawiin tlai vek khan an sipai te ve ve an hnuk kir nghal.

Mizoram leh Assam Chief Secretary te tun thla ni 20-a New Delhi-a an inbiakna-a ruahmanna an lo siam tawh angin Home Affairs Ministry-a Joint Secretary, Satyendra Garg kaihhruai Mizoram leh Assam sorkar aiawhte telna, Fact Finding Team hian Zophai hmunah thil awmdan hi zirchiangin an inbia a, thutlukna an siam dan chuan Kolasib, Hailakandi leh Cachar DC ten Joint Committee dinin state pahnih ramri bula dan lova in sak zawng zawngte April ni 30 hmain an zawng chhuak a, Ministy of Home Affairs ah report an pe ang a, Join committee hi Conservator of Forest \heuhin an ho dawn tih a hmuna kal, Zonet Reporter K Lalhruaitluanga’n a sawi.