Pradhan Mantri Awas Yojana – Housing For All (Urban) hnuaiah Mizorama chhungkaw 15,798 te tana chenna in tur sak nan cheng nuai 236.97 dawn a ni – UD&PA Minister

0
613
views

Vawiina Assembly Budget Session zawhna leh chhanna zawhah UD&PA Minister, Pu Zodintluanga chuan Special mention hun hmangin, Pradhan Mantri Awas Yojana – Housing For All (Urban) hnuaiah Mizorama chhungkaw 15,798 te tana chenna in tur sak nan cheng nuai 236.97 dawn a ni tih a sawi.

PMAY – Housing For All (Urban) hi Beneficiary-Led Construction (BLC) component hnuaia mi niin, chhungkaw pakhatin cheng nuai 1.5 zel an dawng dawn a. He scheme hian Mizorama urban area 23-a khua zawng zawngte a huam vek dawn a ni.

He Scheme hi Mizorama kalpui ve a nih theih nan UD&PA Department chuan Aizawl bakah Cencus Town 22-ah Survey a kalpui a, chu mila DPR a siam chu nimin khan UD&PA Department aiawhten Sorkar laipui-a Housing & Urban Affairs Ministry hnuaia Central Sanctioning & Monitoring Committee (CSMC) hmaah a thlen a, hei hi CSMC-in ngun taka a lo thlir hnuah DPR hi a pawmpui ta a ni.