Zonet Cable Tv Pvt. Ltd.-a thawk F. Zokhuma chu thluak leh ril TB vangin nimin chawhnu dar 2 khan Falkawna Referral Hospital-ah a thi.

0
377
views

Kum 45 mi nia chatuan ram pan ta F. Zokhuma hian a nupui leh fanu pahnih a kalsan a ni. Pu F. Lalsanga leh Pi Hrangveli te fa 10 zinga 8-na F. Zokhuma hi kum 1974 May ni 7 khan Khawbung khuaah a piang a, pawl 10 thleng lehkha a zir hnuah a nu te nen Aizawlah an khaw sa a, a awmna Electric Vengah eizawnna a tan hna chi hrang hrang a thawh hnuah kum 2012 a\ang khan Zonet Cable TV Pvt. Ltd.-ah Line Technician hna rinawm takin a thawk a, he hna hi a thih ni thlengin a thawk a ni. F. Zokhuma hi a awmna hmun apiangah khawtlang tana inhmang tak a ni a, VDP leh YMA-ah te a inhman bakah Electric Veng football leh volleyball Club hruaitute zingah a tel \hin a ni. Amah vuina inkhawm vawiin chhuna Electric Venga an chenna ina neihah bialtu Pastor PC Pachhunga’n thlamuan thuchah a sawi a, mi \hahnem takin an thlah liam a ni.