ZPM Chief Minister Candidate, Pu Lalduhoma chuan ZPM thlantlin a niha sorkar siam theia an awm chuan Mizoram politics-ah Pathian ram a thlen theihna turin dik leh felfai takin hmalak an tum niin a sawi.

0
260
views

 

He thu hi nimina ZPM Tuichang North Block Conference Khawzawl Zaingen YMA Hall-a neihah sawiin, Pu Lalduhoma chuan ZPM-in sorkar a siam theih chuan bana kaih policy hmangin Mizorama mi harsate chhawmdawl an ni dawn niin a sawi a, chu sorkar chu mi retheite hmangaihtu ram leh hnam tana ding tlat a ni dawn niin a sawi a, Mizorama sorkarna siam tawh party pahnih MNF leh Congress te chu Mizoramin mi harsate ngelnghetna leh ham\hatna atana ngaihtuahna seng tak tak lo niin a sawi a, ZPM chuan Kohhran leh mipuite duhdan ang takin campaign a kalpui zel dawn tih sawiin, a thlawna sem leh pek chi aiin thawhrimna leh dikna nena ram leh hnam siam chu thil theih a ni a, hemi rual hian ZPM chuan Mizoram leh hnam damna leh himna a ngai pawimawh niin a sawi bawk.

He Block Conference-ah hian Tuichang biala ZPM Candidate, Pu W. Chhuanawma pawhin thusawiin, ZPM Chief Minister Candidate chu mi tumruh, a dinnaa nghet taka ding, thil tum sawhsawn mai mai lo, beidawnnain a hneh ve theih loh nia sawiin, a lama \ang hi engzat nge an nih tih buaipui lova, ram tan thil \ha engzata tam nge ka tih theih tih a thinlunga vawng tlat mi niin a sawi a, Tuichang bialah amah chu thlantlin a nih chuan hmasawnna rahbi chhinchhiahtlak hnutchhiah turin hnathawh a tum dawn niin a sawi a ni. He inkhawma thusawitu dang ZPM hruaitute zing a mi, Pu Lalhmangaiha Sailo pawhin a pa, Brig. T. Sailo khan a hunlaiin Khawzawlah hmasawnna hnathawh chhunzawm ngai tam tak a hnutchhiat niin a sawi a, ZPM a sorkar chuan chungte chu chhunzawm a ni dawn niin a sawi bawk. Pu Lalhmangaiha Sailo chuan an party candidate chu vote tling turin mipuite a ngen bawk.

He inkhawm hi ZPM Tuichang North Block Chairman, Pu FK Lalsangluaia’n a kaihruai a ni.